Les mots surlignés font l'objet d'une note
1Monsieur, messieurs de ceste ville ont requis monsieur
2de Suze les accompaigner de monsieur de Gessin,
3mareschal de lougis de sa compaignie avecq une lettre
4quil vous escript, par laquelle verrez ce que souffre
5ce paouvre lieu à faulte de ce que ceulx quil vous
6a pleu ordonner pour la contribution de ceste ville font les
7retifz à vouloir pourter ce à quoy ilz ont estez cottizer,
8vous asseurant, monsieur, que les paouvres gens font
9plus quilz ne peulvent. Ayant par cy devant faict appeller
10tous les consulz desdits lieux pour adviser tous les moyens
11ensamblement pour leur soullagement, comme plus
12amplement et particulierement vous informera ledit sieur
13de Gessin, la souffizance duquel me gardera vous estre
14ennuyeuhé de plus long escript, si ce nest unne
15très humble requeste que je vous ferey de la part de
16tous mes compaignons et myenne : ayant entandu que
17les deniers du peyement de ladite compaignie sont à
18Grenoble, quil vous plaise faire commander au
19tresorier qui doibt peyer ceste compaignie se vouloir
20acheminer de par deça, tant pour le soulaignement de tout le
21paouvre peuple, que pour tous noz compaignons ; et
22en cest endroict, je vous saluerey de mes très humbles
23et très affectionnées recommandations à votre bonne grace. Je prierey
24à Dieu vous donner
25monsieur, entrès bonne santé, très longue et heureuse vye.
26De Pierrelate, ce IIIIe sepbre 1571
27votre très humble et hobeissant serviteur
28Truchenus